Ongi etorri balorez jositako blogera! Hemen, eskolan baloreak lantzeko hainbat tresna aurkituko dituzu: bideoak, irudiak, testuak, albisteak, hausnarketarako gaiak...
Zeure gustukoa izatea espero dut. Gozatu eta partekatu!
Kirmen Uriberen bertsoa luzatzen dizugu urteko azkenengo egunean, itxaropen eta baikortasunez beterik.
Hurrengo irudiaren mezua elkarbanatu nahi dugu zurekin ere bai. Oso argia eta zuzena da eta pentsarazten gaitu hausnartzeko zer egin nahi dugun urte berrian. Ez al da polita besteei kolorea eman ahal izatea? Ederra benetan!
Duela egun batzuk, gabon kanta desberdin bat topatzeko nahian, hau aurkitu genuen... Abisatu behar dugu ume txikientzat ez dela oso aproposa, Gabonetako magia urratzen duelako eta errealitate gordina plazaratzen duelako. Hori da, hain zuzen ere, hona ekartzeko arrazoia, hausnartarazteko zer bihurtu diren gabonak. Ba al dakigu zer diren Gabonak? Zein da jatorria...? Eta zer ospatzen da? Kontsumismoaren festak dira, negozio hutsa eta inkoherentziaz jositako garaia benetako arima galduz...
Hurrengo abestian Mikel Markezek gogoetara inbitatzen gaitu. Zure hausnarketarako ere bai baliogarria izatea espero dugu.
Horren kontra, bideo polita topatu dugu. Arretaz irakurri, Gabonetako (eta urte osoko) osagaiak aurkitzeko, denbora bilatu (egun hauetan beharbada...) luzatutako mezu sakonez hausnartzeko.
Besterik gabe, gure desiorik onenak:
Gabon Zoriontsuak izan eta 2017 urte ezin hobea izan dadila!!
Ezin genituen klaseak amaitu Gabonei buruzko bideo bat eskuratu gabe. Arretaz irakurri, Gabonetako (eta urte osoko) osagaiak aurkitzeko, denbora bilatu (egun hauetan beharbada...) luzatutako mezu sakonez hausnartzeko.
Besterik gabe, gure desiorik onenak:
Gabon Zoriontsuak izan eta 2017 urte ezin hobea izan dadila!!
Blog honetako sarrera guztiek baloreren bat lantzen dute. Gaurko honetan gizon eta emakumeen arteko berdintasuna aldarrikatu nahi dugu. Ez da egiten dugun lehenengo sarrera gai honetaz, baina zerbait berezia dakar gaurkoak...
Gizon ospetsu baten atzean beti emakume paregabea dagoela esaten da. Guztiok dakigu Mari Domingi Olentzero ospetsuaren laguntzailea dela, baina emakume askori gertatzen zaion moduan, tamalez, ez zaio eskertzen egindako lan guztia.
Inazio Bereziartua Musika Eskolako ikasleek eta Elgoibarko Izarrako aisialdi taldekoek kantu bat sortu dute bere omenez, eta bideoklipa ere egin dute, Zulueta baserrian Mari Domingirekin berarekin grabatutako irudiekin. Mari Domingiren figura indartu nahi zuten; Mari Domingi Olentzeroren pareko irudi erreferente bihurtu. Izan ere, Olentzero eta Mari Domingiren arteko botere-harremanak azkurea ere eragiten zien sarri, eta harreman hori orekatu premia sentitzen zuten.
Lan bikaina gero!! Entzun arretaz eta gozatu!!
Jarraian, Olentzeroren sexua kolokan uzten duen hainbat datu luzatzen dizkizugu. Antza denez, Euskal Herriko tradizioan ere Olentzeroa emakume edo emakumea Olentzero izan da. Leitzan adibidez, aberastasun handia zegoen irudikapenari dagokionez eta baita suaren erabilerari dagokionez. Gaia sakonki aztertu zuten: JM Barandiaran 1920. urtean Leitzan izan zen eta jaso zuen Leitzan leiho edo balkoian paratzen zela Orantzaroa galtzaz edo gonaz jantzitako panpin baten bidez, hori guzia Orantzaroa irudikatzeko. Horrela jaso zuten eta herrian elkarrizketatutako jende zahar askok eman du horren berri.
Gaur egun Olentzero gizonezko eta ikazkin bezala soilik irudikatzen bada ere, garai bateko Olentzero emakumezko zein gizonezko itxurakoa izan zitekeen eta eginkizun ezberdinetan irudikatzen zuten: txistularia, arrantzalea, artzaina, ehiztaria, jostuna, sorgina edo ezpata-dantzaria. Horixe da adibidez Zumaiako Gomezago-ren kasua. Arrantzale tankeran agertu izan den pertsonaia hori Olentzeroren beste aldaera bat baino ez dela argitu baitzuen Xabier Etxabek.
Izan ere, ez baitago Olentzero irudikatzeko eredu bakarra. Leitzan, Lesakan, Oiartzunen, Donostian edo Zarautzen, izena aldatzen duen bezala (Orantzaro, Olentzero, Orantzago, Gomezago, Onentzaro...) ezaugarri berezi eta berezkoak ere izaten ditu Olentzerok.
Garai bateko argazki eta irudietan ere tankera oso desberdinekin ageri zaigu Olentzero. Adibidez, Donostian 1931an ateratako Olentzeroa ile luze horiarekin ageri zen.
Hona hemen Olentzero "desberdin" horien irudi batzuk:
Zapore gazi-gezako sarrera ekartzen dizugu gaur... Gabonetako garai honetan oso gogorra da ospital batean egon behar izatea, are gehiago haurrentzat. Gaur, hilak 20, bisita bereziak jaso dituzte borrokalari txiki hauek Gurutzeta eta Basurtoko ospitaletan.
Alde batetik Athletic Clubeko emakumezkoen eta gizonezkoen jokalariek, data hauetan ohikoa den legez, Basurtu eta Gurutzetako ospitaleak bisitatu dituzte.
Hurrengo argazkian klikatuz gero, argazki gehiago ikusi ahal izango duzu:
Beste alde batetik, Bizkaiko Foru Aldundiko suhiltzaileek ere bai Gurutzetako ospitalean dauden haurrak bisitatu dituzte gaur goizean. Garabia erabiliz sartu dira eraikinera. Begiratu bideoa!
Eskerrak bihotz oneko jendea dagoela munduan gaixo dauden haurrei garai honetan pitin bat eramangarriago egiteko haien egoera latza!!
Pasa den astean ipuin baten bitartez ikasi genuen autoestimuaren edo, beste modu batean esanda, gure burua maitatzearen garrantzia beste batzuen jarrera desegokiei aurre egiteko.
Gaur beste jarduera bat proposatu nahi dizugu. Ikus dezagun bideoa:
Suediako iragarki hau ikusi ostean ideia asko etortzen zaizkigu burura baina zureak jakin nahi ditugu. Horretarako galdera batzuk uzten dizkizugu:
Zer datorkizu burura zuri?
Uste duzu txano laranjaduna ausarta dela?
Egingo ote zuen gauza bera bakarrik balego?
Nor da ausartaren papera jokatzen duena?
Inoiz sentitu zara "ilegorri"?
Zelan konpondu zenuen?
Ilea tintatzen duenaren laguntza bezala jaso zenuen?
Zer deritzozu bere ekimenari?
Jokatuko zinateke berdin horrelako arazo baten aurrean?
Batzuk ez dute ezer egin, ez alde ez kontra. Zer deritzozu haien jarrerari?...
Ikusten duzunez hausnarketa dexente etortzen zaigu burura... Beharbada galdera guztien erantzuna ez daukazu, baina gogoeta bat luzatu nahi dizugu:
Oso erraza da besteak mintzea. Oso poteretsu senti gaitezke. Besteak baino hobeak garela pentsa dezakegu. Baina, geure bizitzan aurrera joan ahala, konturatuko gara guztiz kontrakoa dela. Poteretsuagoa, hobea, zoriontsuagoa eta maitatuagoa sentitzen da besteak zaintzen dituena.
Izan gaitezen ilegorriagoak!
Hurrengo bideoaren protagonistak esku-jolas baten pertsonaiak dira, ziurrenik oso ezagunak zuretzat: Harri, Orri eta Ar. Ez dugu galderarik egingo aldez aurretik.
Erne egon bideoari:
Argi dago kanpoko itxuraz ezin zarela fidatu. Batzuetan laguntzat dituzunak ez dute erantzuten behar bezala eta, aitzitik, maiz, espero ez duzun pertsonengan altxorrik politenak topa ditzakezu eta laguntasunik politenak sor daitezke.
Baina, zer nolako lotura daukate bi bideoek? Guk ikusitako hiru ideia nagusi plazaratuko dizkizugu:
Batetik adierazten digute askotan guk bakarrik ezin diegula egoera zailei aurre egin, baina besteen laguntzarekin dena izaten dela posiblea, are gehiago besteek gugan sinesten dutela sentitzen badugu.
Bestetik ikusten dugu "desberdina" dena beti izaten dela ahulena, Maddiri gertatzen zitzaion moduan... Eta horretaz baliatzen dira erasotzaileak. Ausart sentitzen dira, baina koldarrak direla adierazten dute ahulagoak erasotzen. Ez dira ausartzen haiek baino ezagunagoak mehatxatzen edo txarto tratatzen,ez...
Eta azkenengo ideia: nahiz eta hasiera batean pertsonaia ahulak bakarrik daudela iruditu, amaieran ez da horrela eta ikustarazten digute beti beti dagoela norbait laguntzeko prest.
Ziur gaude zuri beste ideiaren bat ere bai bururatuko zaizula. Animatu zaitez elkarbanatzen besteokin!
Amaitzeko argi utzi nahi dugu hurrengo ideia: ingurukoen laguntza eta konfidantzarekin dena izan daiteke posiblea! Hortaz, laguntza eman eta mezu baikorrak adierazi ondokoak babestuak eta maitatuak senti daitezen, eta horrela egoera latzak eramangarriago bihurtuko dira.
Pasa den azaroaren 20an Haurren Eskubideen Nazioarteko Eguna ospatu zen eta horren berri eman genizun hemen ere bai. Gaur, abenduak 10, Giza Eskubideen Nazioarteko Eguna ospatzen da eta sarrera hau prestatzeko materiala bilatuz, hurrengo abestia topatu dugu. Igo bolumena eta entzun arretaz!!
Jarraian, eskubide horiek laburbiltzen duen bideoa partekatu nahi dugu zurekin, hona hemen:
Beti bezala, bideoa ikusi ondoren hainbat galdera datozkigu burura: ezagutzen zenituen giza eskubideak? Zein da garrantzitsuena? Bakarra aukeratzeko gai izango zinateke?
Haurren eskubideen egunean betebeharrei buruz ere luzaro mintzatu ginen, eta hemen ere bai ideia antzekoa aipatzen da: besteen eskubideak errespetatu behar ditugula. Horrela jokatuko bagenu guztiok, askoz hobeto joango lirateke kontuak munduan...
Gaurko egunerako bereziki zuzendutako irudi polit pare batekin amaiera ematen diogu gaurko post honi.
Amaitzeko, gaur irakurritako gogoeta bat luzatzen dizugu: "Ez dut eskatzen giza eskubideak errespetatzea, beteko balira konformatuko nintzen."
Duela gutxi enteratu gara gaur ere Ezinduen Nazioarteko Eguna dela. Esfortzu handia egiten dute egunero pertsona hauek, hori dela eta sarrera berezia dedikatzea erabaki dugu.
Egun honetan ezagutzera eman nahi dira ezinduek besteak bezalaxe bizitzeko dituzten eragozpenak, baita ezinduak gizartean, politikan, ekonomian eta kulturan txertatzeko burutzen diren ekintzak ere.
Jarraian duzun bideoak Gipuzkoako Gureak egina da, merkatu lehiakorretan zerbitzu integrala eskaintzen duen enpresa taldea. Oso ondo azaltzen du ezinduak besteok bezalakoak direla. Erne!!
Hurrengo bideoak berez hitz egiten du, horregatik ez diogu sarrerarik egingo. Zabaldu begiak, ziur gaude ez zaituela hotz eta motz utziko, eta bihotza ikutuko dizula:
Hitz gutxirekin, nahiko adierazgarria da bideoa. Gauza handirik ez dago komentatzeko baina bai gogoeta pertsonalerako...
Ikus dezagun desberdintasuna haur txikien begiekin!!
Bideo biak ikusi ostean hurrengo gogoetak datozkigu burura; horrelakoak ikusi arte ez gara ohartzen zelako zortea gurea, eskertzekoa benetan... Zenbat daukagun ikasteko eta baloratzeko!
Atzoko sarrera osatzeko asmoz euskaldunon altxorraren inguruko informazioa plazaratu nahi dugu hemen Euskararen Nazioarteko Egunean.
Collage batekin hasiko gara:
Egilea: Leirebh
Leku txikian, oso mezu potente daukagu. Orain, zure esku dago zer egin...
Arabako Alea web orrialdean gaurko egunari buruzko informazioa luzatu digute (eskerrik asko Meri!) eta zurekin elkarbanatu nahi dugu:
Ba al zenekien Euskararen Eguna guztiz lotuta dagoela Frantzisko Xabierko Deunarekin? 1552ko abenduaren 3an hil zen Frantzisko, eta kondairak dioenez, hil aurreko azken hitzak bere ama hizkuntzan izan ziren, hots, euskaraz.
Ba al zenekien 1949. urtean Eusko Ikaskuntzak Euskararen Nazioarteko Eguna ezarri zutela? 1995ean Eusko Jaurlaritzak eta Euskaltzaindiak bat eginik, Euskararen Nazioarteko Eguna instituzionalizatu egin zuten. Euskararen Nazioarteko Egunaren lehenengo edizioaren dokumentu batekin topo egin dugu Sarean.
Ba al zenekien Euskararen Egunak hainbat izen izan dituela? Lehendabiziko edizioan 'Eskuararen Eguna' erabili zen eta ondorengo urteetan 'Euzkararen eguna' edo 'Euzkara Eguna' bezala ikusi izan dugu. Egun Euskararen Eguna edo Euskararen Nazioarteko Eguna erabiltzen dira.
Ba al zenekien Euskal Herrian ez ezik, munduko beste hainbat txokotan ere ospatzen dela Euskararen Nazioarteko Eguna? Jakin badakigu Mexikon, Bartzelonan, Washingtonen, Buenos Airesen eta Parisen ere euskara goraipatzen dela abenduaren 3an.
Gure hizkuntzaren historiari buruzko informazioa bilatuz gero, dexente aurkituko dugu baina hori guztia biltzen duen Azkue Fundazioaren bideoa txertatzen dugu jarraian hainbat bitxikeri ikas ditzazun. Adi egon!!
Arretaz entzun baduzu, ziur euskarari buruzko gauza berri asko ikasi dituzula, ezta? Hala ere, gehiago jakin eta ikasi nahi baduzue, Bilboko San Inazio auzoan dagoen Euskararen Etxera hurbil zaitezke.
Gaurko sarrera geure hizkuntzaren omenez da, altxorra da eta baloratu behar dugu merezi duen moduan.
Irudi batekin has gaitezen:
Ezaguna egiten zaizu txoritxo hau? Gero eta leku gehiagotan ikusten da. Eusko Jaurlaritzak iaz martxan jarritako euskararen aldeko kanpainaren ikurra da, geure hizkuntzaren erabiltzeko gonbidapena: euskararen txantxangorria.
Honela dio kanpainaren leloa:
"Elkarrekin hegan egitean, bertigoa badoa. Hegoak astindu, airetik mugitu. Elkarrekin kilometroak egin. Elkarrekin, zeruaren muga ez dago horren urrun. Elkarrekin hitz bat ozenago entzuten da, ehunka txoriren hegaldia bezala.
Hau da gure sinboloa, denona. Euskaraz hitz egiteko gonbidapena.
Eman hegoak euskarari."
Hona hemen beste gonbidapen bat:
Hurrengo kanta euskaldunon ikurra bihurtu da. Mikel Laboaren maisulana da eta hainbat interpretazio egin ahal izango genion kantari; baina gaur, Euskararen egun honetan, txoria Hizkuntza da. Ez diezaizkiogun hegoak ebaki euskarari!!
Jarraian bi minutuko bideoa, zergatik euskara berezia den azaltzen duena. Besterik gabe, gozatu!!
Gaur ipuintxo bat ekartzen dizugu. Norbaitek esan dezake nagusiegia zarela ipuin bat irakurtzeko, baina ipuinek ez dute adinaz ulertzen eta, askotan, umeentzako ipuinek zertxobait irakasten digute nagusioi ere bai.
Besterik gabe, ikus dezagun bideoa:
Ez dakigu bideo ikusi bitartean zer etorri zaizun burura, horregatik gogoetarako hainbat galdera luzatzen dizkizugu:
Zer iruditu zaizu ipuina? Ezaguna egin al zaizu?
Ikusitako beste bideo batekin loturarik izan ahal du? Zeinekin?
Zer nolako gomendioa ematen dio amak Maddiri? Zer iruditzen zaizkizu emandako gomendioak?
Zure ustez, Maddik bere burua maite al du? Nola dakizu? Zelan adierazten da?
Zer iruditzen zaizu beste neska-mutilen jarrera? Zergatik esaten dizkiote gauza horiek Maddiri?
Orain, gogoeta egin ondoren, ariketa bat proposatzen dizugu:
Hasi baino lehen bi orri beharko dituzu. Lehenengoarekin gutunazal bat egin behar duzu. Bukatzen duzunean, apaindu nahi duzun moduan eta jarriozu zure izena. Gutunazal hori zure "postontzia" izango da.
Bukatu baduzu, hartu bigarren orria. Moztu erditik. Zati batean idatzi zure hiru ezaugarririk onenak eta beste zatian zuk aukeratutako beste ikaskide batenak. Gorde zureak goibel zaudenerako eta sartu zure ikaskide horren postontzian bereak. Arau bakarra dago: ezaugarri positiboak izan behar dira, animatzeko momentu zailetan.
Zure irakasleari poltsa batean ikasle guztien zenbakiak sartzea proposatzen diogu. Ikasleek, txandaka, har dezakete paper bat eta tokatu zaien zenbakiari idatziko diote. Horrela inor ez da geratuko mezurik gabe. Papertxoan ez duzu zertan zure izena idatzi behar, agian horrela errazagoa izango da eta normalean esatera ausartzen ez zaren gauzak idatziko dituzu erraztasun handiz. A! Eta noski, nahi baduzu ikaskide bat baino gehiagori idatzi... aurrera! Ez ahaztu guztiok ezaugarri positiboak ditugu eta saiatu ezaugarri fisikoak alde batera uzten.
Hau guztia egin baduzu, zorionak! Mezulari ezin hobea zara orain. Jarraitu berri onak ematen mundu guztiari. Ziur hobeto sentituko zarela. Oso polita da ingurukoei gauza atseginak adieraztea eta horrek ondo sentiarazten gaitu.
Espero dugu ekintza hau zure gustokoa izana eta gogoratu:
Maitatu zure burua, zuk ez baduzu egiten, nork maitatuko du ba?
