Kaixo lagun hori!
Ba al dakizu zer den Pigmalion efektua? Inoiz entzun duzu zerbait horretaz? Eta Pigmalion nor ote den?
Wikipediara joko dugu ea zer esaten digun Pigmalionez:
Pigmalion Zipreko erregea izan zen. Luzaroan ibili zen emaztegai bila, baldintza bat jarrita: emakume perfektua izan beharko zuen. Bilatzeaz nekatuta, ez ezkontzea erabaki eta galera hura orekatzeko asmoz eskultura ederrak sortzeari ekin zion. Eskultura haietako bat Galatea izan zen; hain ederra zenez, hartaz maitemindu zen Pigmalion.
Afrodita jainkosaren bitartekaritzaz, Pigmalionek Galatea hezurmamitu egin zela amestu zuen. Publio Ovidioren Metamorfosiak idazlanak honela azaltzen du:
«Pigmalionek estatuarengana jo zuen, eta, ukitzean, bero zegoela iruditu zitzaion, bolia bigunduz zihoala, eta, gogortasuna galduta, hatzei amore ematen ziela goxotasunez, Himeto mendiko argizaria eguzki izpienpean biguntzen den eta hatzekin eskuztatzen uzten den bezala, hainbat itxura hartzeko, maneiuarekin otzanago eta bigunago egiten delarik. Hori ikusita, Pigmalion beldurrarekin nahasitako gozamen handi batez bete zen, bere buruari iruzur egiten ari zitzaiolakoan. Berriz ukitu zuen estatua, eta egiaztatu zuen gorputza malgua zela eta hatzekin zainak miatuta haietan bihotz taupadak nabari zituela.»
Esnatzean, Pigmalion erregea Afrodita jainkosa topatu zuen hantxe. Afroditak, erregearen gurariaz hunkiturik, honako hau esan omen zion:
«Zoriontasuna merezi duzu, zerorrek irudikatu duzun zoriontasuna. Hemen duzu bila aritu zaren erregina. Maita ezazu eta babes ezazu zorigaitzetik.»
Eta halaxe Galatea gizaki bilakatu zen. Kondaira hori da Pigmalion efektuaren oinarria. Zergatik ote? Zer ondorio atera dezakegu kondairatik?
Zalantzarik izanez gero oraindik ere, bideo honekin hobeto ulertuko duzulakoan gaude.
Zer iruditu zaizu? Ados al zaude? Zeure ondokoekin horrela egiten duzu?
Eta hemendik aurrera... Zelan jokatuko duzu?
iruzkinik ez:
Argitaratu iruzkina